القائمة الرئيسية

الصفحات

-- انت كنت فين ؟؟ كنت فين ياديفيد !!

 

قصص قبل النوم قصص اطفال قبل النوم قصص للاطفال قبل النوم حواديت ماما نونا قصص اطفال قبل النوم مكتوبة قصص قبل النوم للأطفال قصص اطفال قبل النوم طويلة قصص الانبياء, قصص اطفال, قصص رعب, قصص واقعية, قصص قبل النوم, قصص القران, قصص العربية, قصص عالمية قصص رعب, قصص واقعية, قصص قبل النوم, قصص عالمية قصص خيالية قصص اطفال قصص قصيرة قصص خرافية قصص الاطفال قصص للاطفال قصص عربية للاطفال قصص اطفال جديدة قصه قصيره قصص رعب قصص مرعبة قصص روايات قصيرة

البلاغات الصعبة والخطيرة بتحصل كتير جدا في الجبال ، لان الحادثة ديما بتكون مؤسفة وشنيعة ، جالنا بلاغ عن فقد عائلة كاملة قرروا انهم يخيموا في جبل الجليد ال قريب من الغابة ، الجو كان صعب جدا ، وارتفاع التلج بيذيد بمعدل ٣ متر كل يوم ، وعشان كده في انهيارات تلجية قتلت بعض المتسلقين علي مدار الشهر ال فات ، وعشان كده الحكومة ووسائل الإعلام حذرت الناس من الابتعاد عن مناطق محددة في الخريطة ، ولكن طبعا في ناس كتير مبتهتمش بالكلام ده وده ال حصل مع عائلة ويل .. البلاغ جالنا من اخت ويل وهي بتقول ..

-- ارجوكوا ويل مختفي مع عائلته وابني الصغير من ٨ ايام ..
اخدنا الموصفات واتوجهت انا والفرقة بتاعتي المكونة من ٣ افراد للمكان الجو كان شديد البرودة حتي الجواكيت بتاعتنا مش جايبة أي نتيجة ، ومهمة البحث كانت ايجاد عائلة ويل المكونة من ٥ أفراد ومعاهم طفل صغير اسمه جاك وده ابن أخته ، اتسلقنا الجبل وفضلنا ندور واحنا متفرقين ، بعد مده من البحث حوالي ساعتين ملقناش اي اثر .. بس بعد دقايق جالي واحد من الفريق بتاعي وقالي ..
-- يافندم انا لقيت خيمة بتبعد عن هنا ١٥ ميل وعشان كده رجعت تاني وال شوفته لازم حضرتك تيجي تشوفه بنفسك ..
كان بيتكلم بتوتر شديد وعشان كده كلمت المساعد التالت في الاسلكي عشان نتحرك ، وفعلا اتجمعنا لحد موصلنا الخيمة .. ، الخيمة كانت في اخر الجبل ، بس ال شوفته كان غريب .. كانت الخيمة متقطعة من جوا ومحدش موجود فيها .. وفي اثار اقدام كتير برا الخيمة .. اتكلم المساعد وقالي
-- ممكن يكونوا اتعرضوا لهجوم ..
فضلت اتفحص الخيمة تاني وبعدها رديت عليه ..
-- لو اتعرضوا لهجوم .. كان الاولي أن ال هيهجم يقطع الخيمة من برا مش من جوا والفوضي كلها تبقي من جوا .. احنا هنتتبع الاثر بتاع الاقدام ..
مشينا واحنا بنتبع اثار الأقدام الكتير بس واحنا في الحالة دي لقينا شاب بيبعد عننا ب ١٠ أمتار تقريبا ، كنا بنكلمه بس مبيردش .. وعشان كده قربنا منه ، عرفنا ساعتها مكنش بيرد ليه الشاب متجمد تماما ، أسواء حالة تجمد شوفتها في حياتي ، ضامم أيده علي رجله ودافن رأسه جوا الجاكيت .. علي وشه اثر لدموع متجمدة !! .. بعد مشوفت المنظر ده لعنت ويل واتمنيت ليه الموت بسبب الحالة ال وصل ليها ابنه .. وفي اللحظة دي اتكلم المساعد بتاعي وقال ..
-- يافندم في حاجة غريبة ، واضح أن في واحد كان واقف قدامه وهو في الحالة دي من الآثار وبعدها سابوا وكمل مشي ..
كان كلامه صح فعلا علمنا مكان الجثة وقررنا نبحث عن الباقي .. وأثناء واحنا ماشين لقينا ال صدمنا .. مبقاش أثار اقدام بس .. ده بقي اثار دماء ، دم ماشي زي الخيط خلانا كلنا مفزوعين .. اثار الدم بتنزل من الجبل ومكمله لتحت ، قررنا ننزل بس واحنا بننزل لقينا جثة شخص مرمي علي أول الجبل .. ، واحنا بنلفه كانت بطنه مفتوحة وامعائه كلها وقعت !! .. المنظر خلانا كلنا نتقيء .. من ملامحه عرفنا أنه ويل ..! الامر بقي خطير علينا احنا ٣ وعشان كده طلبت دعم .. وقررنا ننزل علي ميجوا ونتبع اثار الدم .. نزلنا من الجبل والدم كان مكمل جوا الغابة ..، كلنا كنا عارفين أن الغابة دي بيحصل فيها حالات اختفاء كتير .. وعشان كده مكدبش عليكوا انا كنت خايف ادخل نظرا اني عمري مدخلتها ولا فرقتي دخلتها فقررنا نستني الدعم .. بعد ساعة وصلت فرقة من الدعم وقررت انها تدخل معانا ولكن المسؤل عن الفرقة قال
-- هندور في المحيط الاولي من الغابة لان المحيط التاني صعب وبيتوه ولو فضلنا ندور عليهم شهور مش هنلاقيهم واعتقد من كلامكوا انهم كلهم ميتين ..
مكنش حابب طريقة كلامه حتي لو ماتوا علي الاقل نجيب الجثث في ٤ مفقودين ومايتين بطرق غامضة ، فضلنا علي الحال ده لحد مال شمس أوشكت علي الغروب وساعتها قال المسؤل عن الدعم
-- انا شايف أن مفيش امل و ..
قبل ميكمل كلامه سمعنا واحد من الفرقة بيصيح وبيقول
-- انا لقيت الطفل !!! ..
كلنا جرينا نحيته .. الطفل كان غريب جدا !! ملابسه نضيفة ومفهاش ذرة تراب ، كمان مكنش خايف وده ال خلاني حاسس بغرابة .. وعشان كده واحد مننا ساله وقاله
-- انت كنت فين ياحبيبي الايام ال فاتت دي !
الطفل اتكلم وقال
-- كنت هنا في الغابة مع الراجل الغريب ..
فضل يتكلم ويقول إنه كان مع راجل غريب طلبنا منه مواصفاته عشان ساعتها اتفاجيء باغرب مواصفات شوفتها في حياتي ، الطفل قال
--هو ملوش عيون وفم بس ليه وش وملوش شعر نهائي .. كنا بنام في جوف الشجرة ولما كنت بجوع كان بيجبلي التوت والتفاح من الشجر وساعات كتير بيخليني العب بالاغصان بس لما أبعد بسمع منه صراخ كنت بستغربة ازاي بيصرخ وملوش فم !! ..
كلام الطفل كان غريب خصوصا أنه بيحكي وهو مش خايف !! سألته بتردد وبقوله
-- طيب هو فين ؟؟
بصلي وقالي
-- هو قالي امشي انا مش عايزك كنت فكرك عنصر تاني .. هتلاقي ناس بتدور عليك ورا الاشجار دي روحلهم .. وعشان كده انا جيت ..
فضلوا يسالوا عن الباقي بس مكنش عارف اي حاجة عنهم .. المساعدين قرروا اننا لازم ندور عليهم بعد ملقوا الطفل في احتمال انهم يكونوا عايشين ، وعشان كده اتفرقنا ، بس انا كنت بترعش ، مش من البرد لا ده من الخوف ..! كنت بتمشي بين الأشجار بالكشاف بس حسيت فجاءة اني تايه !!كنت حرفيا مش عارف انا فين كان الأمر كاني فقدت الذاكرة مرة واحدة ، انت فهمني صح ؟ تايه تماما ومش عارف تعمل ايه ؟ .. وقفت في مكاني للحظات ، بس كل مالوقت ميعدي وانا واقف بحث اني مرتبك اكتر وخايف ، وعشان كده اضطريت اني امشي ، اخترت اتجاه بطريقة عشوائية ومشيت فيه .. وأثناء وانا ماشي الوضع بقي يذداد سوء لدرجة اني وصلت لمرحلة هو انا اصلا بعمل ايه في الغابة ؟؟ كنت بجر رجلي في التلج لما بدات اسمع صوت همس ، صوت غريب بيقولي قرب .. قرب ..!! كنت خايف جدا .. بدات اشوف خيالات بين الأشجار .. بس الخيالات مفضلتش واقفة كتير دي بدأت تقرب نحيتي ، وعشان كده جريت .. فضلت اجري في كل مكان !! .. لحد ملقيت شجرة مجوفة دخلت جوها .. شوفت الخيالات دي بتعدي نحيتي ، كانت بتشم زي الكلاب كأنها بدور عليا !! ... وبعد دقايق مشيت ..قومت من مكاني عشان أحاول اطلع من المكان ده .. بعد دقايق لقيت شخص بيقرب مني وهو بيصرخ وبيقولي
-- انت كنت فين ؟؟ كنت فين ياديفيد !!
طلعت سلاحي وشورت بي نحيته عشان ميقربش ، لقيته بيتكلم ويقولي
-- اهدي .. اهدي انا مش هاذيك يافندم !!
لقيت نفسي فوقت مرة واحدة وبنزل السلاح وانا مش فاهم حاجة !!.. قولتله
-- هو ايه ال بيحصل !! ..
لقيته بيتكلم وبيقول ..
-- يافندم كل الفرقة بالدعم مختفي بقالوا يومين في الغابة واحنا بندور عليكوا .. ودي كانت اخر محاولة ..
يومين !؟ يومين ازاي !! .. كنت فاكره هيقول نص ساعة ولا ساعة بالكتير اوي بس يومين ؟ .. اخدني وخرجنا ، وبقيت الفرقة لحد دلوقتي ملهاش اي اثر ، مش عارف ايه ال حصل لبقية عائلة ويل وفرقتنا ، حكيت كل ال حصلي ونقولوني لفرقة طبية مفسرتش ال حصلي نهائي وقالت إنه نتيجة الصدمة اني توهت يومين ! .. واني هتنقل مع الفرقة الجديدة بكرة عشان ادور تاني علي فرقة الدعم ال تايهه جوا الغابة بحكم اني ظابط خبرة وانهم لقوني ففي احتمال انهم يلقوهم ، انا خايف ومش عايز اروح المكان ده تاني ..!
هل اعجبك الموضوع :

تعليقات

التنقل السريع