القائمة الرئيسية

الصفحات

صديقي منتحرش !! انا عارف كويس ايه ال حصله ..

قصص قبل النوم قصص اطفال قبل النوم قصص للاطفال قبل النوم حواديت ماما نونا قصص اطفال قبل النوم مكتوبة قصص قبل النوم للأطفال قصص اطفال قبل النوم طويلة قصص الانبياء, قصص اطفال, قصص رعب, قصص واقعية, قصص قبل النوم, قصص القران, قصص العربية, قصص عالمية قصص رعب, قصص واقعية, قصص قبل النوم, قصص عالمية قصص خيالية قصص اطفال قصص قصيرة قصص خرافية قصص الاطفال قصص للاطفال قصص عربية للاطفال قصص اطفال جديدة قصه قصيره قصص رعب قصص مرعبة قصص روايات قصيرة قصص,قصص اطفال,قصص عربية,قصص عربيه,قصص قصص,قصص للاطفال,قصص عربي,قصص عربية للاطفال,قصص العربيه,قصص الاطفال,قصص العربية,قصص قبل النوم,قصص الاميرات,قصص اطفال قبل النوم,قصص للاطفال قبل النوم,قصص قبل النوم للاطفال,قصص رعب,قصص رنا,قصص الجن,قصص اطفال سندريلا,قصص كويلي,قصص مرعبه,قصص مرعبة,قصص مخيفه,قصص معبره,قصص مفيده,قصص مشهوره,رنا قصص رعب,قصص رعب رنا,قصص الارواح,قصص فيها عبره,قصص رعب حقيقية,قصص اطفال جديدة,قصص مرعبة حقيقية,قصص حقيقية مرعبة,قصص الجن و الارواح,قصص سحرية للأطفال,قصص مضحكة للأطفال


 خليني اقولك اني دلوقتي هحكيلك عن تفاصيل سرية جدا في حياتي ، هحـكيلك عن ٧ سنين عشتهم في احد السجون ، مش مهم تعرف انـا دخلت السجن ليه ، بس المهم انك تعرف انا شوفت كام قصة مخيفة جوا السجن !! ..

بالمناسبة .. لو قلبك ضعيف متمناش انك تكمل ، لان اني هحكي بالتفاصيل ، انا كلامي للبقية ال هيقروا وشددهم الفضول ! ..
اتحكم عليا ب ٧ اعــوام في قضية سطو مسلح ، كنت لسه ببلغ عامي ال ٢١ ، السجن كان شديد الحراسة ، متصمم خصيصا للعصابات والقاتلين ..
خليني اقولك ان يومك الاول هناك بتحس بصدمة شديدة وعنيفة ، بتقلع لبسك كله وبتتفشش في كل حته في جسمك ، ده غير ان بيبقي ليك ميعاد محدد للنوم ، ليك ميعاد محدد للوجبة بالاضافة ان ليك اوضة مشددة الحراسة فيها ٣ غيرك .. بيستقبلوك وبيقولوا ليك القوانين الخاصة ال ممنوع انك تنقاشهم فيها ، وانهي مكان هتنام في ..
وانت بتقضي اول ليلة في السجن ، بتحس فجأة انه بقي بيتك الجديد وان دي حياتك الكئيبة من دلوقتي ، لما بفتكر الـوقت ال قضيته هناك بحس بشعور غريب ، شعور اليأس والعجز ، تعرف ايه هو الرعب الحقيقي ؟ الرعب الحقيقي هو فقدان الحرية وعدم الاعتراض علي اي قوانين .. بس متخفش بمرور الشهور هتعتاد علي الروتين اليومي الممل ..
بس انا قررت احقق اقصي استفادة ممكنة ، وان اتعلم مهارات جديدة علي قد مقدر واشغل نفسي بقدر المستطاع ..
نسيت اقولك علي حاجة مهمة جدا ، السجن مكون من مقر a ، ومقر B ومقر العزل .. انا كنت في في مقر B ال مكون من ١٨ غرفة كل غرفة فيها ٤ او ٥ مساجين ، المهم انك تلتزم بالقوانين عشان متروحش مقر العزل ..
اثناء دردشتي المعتادة مع احد الاصدقاء في السجن قالي
-- انا عشيت في السجن ١١ سنة ، ياما شوفت بلاوي .. بس اسواء حاجة بشوفها هو السجين ال رايح مقر العزل .. عمر محد راح مقر العزل ورجع زي مهو .. لازم يبقي مختلف ده لو رجع اصلا !
- وايه ال ممكن يودي سجين مقر العزل ؟
-- اممم في حاجتين ياصديقي توديك مقر العزل ، الشغب !! او الشك فيك .. ليلة واحدة في غرفة العزل قادرة تقلب حياتك وتغير سلوكك ١٨٠ درجة لو خرجت منها ! .. انا اصلا عمري مرحت قبل كده ، بس اتكلمت مع مسجونين راحوا هناك وقالولي نفس الكلام .. في شيء هناك مش طبيعي ، في حاجة اكبر من قدرات البشر في مقر العزل الانفرادي ..
لما قال الكلام ده انا خوفت من مقر العزل واتمنيت اني مرحش المقر ده نهائي واني ديما هلتزم بالقوانين لا وهثبت نفسي وكفائتي في السجن بحيث ان مرحش هناك ، بس من الواضح ان كان مكتوبلي اني اروح هناك بعد ٦ شهور بس .. كنت سباك واتعرفت في السجن بمهارتي في السباكة ، بعد ٦ شهور لقيت الحراس بتفتح الزنزانة وبيقولي حارس
-- البس بسرعة عايزينك في مشكلة في مقر العزل
قومت ومشيت في الطريق للمقر لقيت الحارس بيقولي
-- انا مش عايزك تتفاجيء من ال هتشوفه ، ال هتشوفه شيء معتاد .. سجين في الغرفة ١٢ قتل نفسه والحقيقة الحوض غرقان ومسدود ..
لما قال الجملة دي بلعت ريقي وكملت طريقي .. مقر العزل عبارة عن طورئة طويلة مكونة من ١٤ غرفة كل غرفة ليها باب معدني صلب ، الباب ليه فتحتين فتحة لتدخيل الوجبات وفاتحة بتتفتح من برا عشان تدخل ضوء للمبتين صغيرين في الطورئة ، وال بتكون الفتحة بتاعته مقفوله بيكون عايش في ضلمة كاحلة والحارس لو حب يكفئك يفتحلك بس تشوف الضوء ده ..
الشمس بنسبة للمقر ده شيء خيالي ، اكيد لو في مسجون خرج هينسي ان كان في حاجة اسمها ضوء الشمس !! ..
دخلت الغرفة ، كانت مليانة دم !! .. الحوض كان مليان دم .. ان اقسم اني شوفت خيال غريب في الدم ده ؟!.. كنت بشيل الدم بكوباية بلاستيك وبفضيها في الجردل ، لحد ملقيت حاجة ملفومة .. لما فتحتها كانت سكينة تلمة ومصدية .. ب سمعت صوت في الغرفة ! صوت بيقول ششششس ..!! .. علي العموم انا مهتمتش وكملت شغل والحوض اشتغل تاني ..
وانا خارج انا والحارس في الطرئة اتطفت اللمبتين عشان اسمع الحارس جمبي بيقول لفظ ويقولي
-- خليك جمب الحيط ..!!
بس سمعت شيء غريب .. سمعت نفس الصوت !! شششششش !! .. كان خارج من نفس الغرفة ال كنت فيها !! .. حسيت اني مش لوحدي ال سامع الصوت ده ، لان الحارس بنبرة جبانة
-- يلا بينا بسرعة ..
الصوت كان بيقرب وهو تايه وسط المفاتيح وكان هيجي علينا بركان يدمرنا !! .. الصوت بيقرب وهو بيتوتر اكتر .. لحد مبيلاقي المفتاح بيشدني بقوة قبل ميخرج وبيقفل الباب وهو بينهج !!
مكنتش فاهم اي حاجة ، بس اعتقد دي كانت اول قصة ليا في مقر العزل .. من بعدها بقي مقر العزل بنسبة ليا شيء غامض فعلا محدش يتمني انه يروحه ..
بعد ٨ شهور بالظبط الساعة ٩ صباحا .. كنت بشرب سجارة في فناء السجن مع صديقي .. شوفنا الحراس وهي بتخرج شاب صغير من مقر العزل .. تقريبا كان في سني .. الشاب كان خارج بيترعش .. خارج خايف !! ..خايف من كل حاجة حتي ضوء الشمس ! .. صديقي مهتمش وضحك ضحكة بسخرية وقالي
- هه بقي ال زي ده يدخل غرفة عزل وانا مدخلش ؟؟ وال زي ده تفتكر دخل ليه ؟ سرق محل جاتو ولا لعب اطفال !!
مكنتش بكلامه ، الولد ال خارج فعلا صغير في السن يمكن انا اكبر منه بحوالي ٤ ٥ سنين .. بعد ساعات من الغدا ودخول الغرفة ومرقبتي ليه المتواصلة
كان حظي كويس جدا لما لقيت الشاب ده ان تنسيقه جابه غرفتي .. حسيت ان جواه اسرار كتير .. الولد مكنش بيتكلم مع اي حد .. صامت طول الوقت ، رافض حتي يقول اسمه !! ..
الامر ده مكنش شهر ولا اتنين لا .. ده فضل كده ٥ شهور بالظبط مبيتكلمش مع حد مبيخرجش بس غير عشان يشوف ضوء الشمس ويدخل تاني ..
كنا بنتغدي في ميز المساجين ، صديقي المقرب اتخانق مع شخص تاني وغرز سن المعلقة في راس المسجون التاني .. الامر ال خلي ادارة السجن ياخدوا من الغرفة وينقولوا غرفة العزل ..
الامر ده كان صادم لياا .. بس مش بنفس الطريقة للولد ال كان معانا في الغرفة .. الولد فضل يترعش لما عرف ان صديقي داخل غرفة العزل .. فضل يترعش واتغطي ..!!
قربت منه وانا بقوله
-- هو هيحصله ايه ..
شال البطنية من عليه وبصلي بخوف وهو بيقول
- لو ممتش منه هيبقي في اختيارين تاني .. يينتحر !! .. ييفضل طول عمره خايف ..
-- ممكن تحكيلي !! ممكن متقلقنيش عليه ..
شد البطنية تاني .. ومتكلمش .. ، سكت وقفلت النور ورجعت سريري وانا بولع سجارة في سجارة وبفكر واتكلمت
- انا عارف انك مش نايم .. وعارف انك مخبي حاجات كتير ، انا نفسي اسمع !!
مردش .. فضلت انفخ في سجايري لحد مسمعته بيقول
-- مش عارف انا بحكيلك ليه ..!! يمكن عايز افضفض لاول مرة بعد مخرجت .. انا دخلت السجن اصلا بالغلط .. ودخلت غرفة العزل بردو بالغلط .. !! تخيل انك تفضل في ضلمة لمدة شهور .. متعرفش النهاردة ايه .. متعرفش الساعة كام !! .. لا ده انت متعرفش ان احنا في النهار ولا الليل !! .. ونسك الوحيد شخص غريب .. بيدخلك الزنزانة ، بيفضل في الركن ، بتشوفه في الضلمة من لمعة عنيه .. بتسمع ضحكته مع اول ليلة ..!! .. ضحكة طفل صغير .. وبعد كده بيمشي !! كانه كان بيرحب بيك بس .. بعد كده بيجي تاني في نفس الميعاد .. تخيل ان كنت بحسب ان اليوم خلص بظهور الشخص ده ؟؟ .. بيديك سكينة تلمه مصدية ، وبيقولك كالاتي
-- لو مش عايز تشوف ال هتشوفه اقتل نفسك !! ..
اكيد مهما كنت مرعوب مش هتقتل نفسك في اول مرة ولا تاني مرة ولا تالت مرة .. مهما اوصف ال كنت بشوفه مش هقدر احكيلك .. انا شوفت كتير !! شوفت ابويا ال مات من وانا عندي خمس سنين !! بيقنعي اني اقتل نفسي .. شوفت طفل صغير بيسحف نحيتي وبيضحك ضحكة غريبة .. شوفت مجموعة في اخر الزنزانة مولعين حطب وقعدين بيتفرجوا علياا ... ملهمش سواد في العين خالص !! ..
فتح النور وقلع التشيرت .. كان جسمه كله متشوه وكمل وقال
-- دي اسياخ من النار .. كان بيعذبني ..!! كان عايزني اموت نفسي .. كان ديما يقولي ان ده مكاني ومبحبش ان حد مننا يعيش في .. حولت .. حولت اكتر من مرة اني اقتل نفسي !! بس مقدرتش !! اظن انت كده عرفت صديقكك هيحصله ايه .. اوعي في يوم تفكر تدخل المكان ده نهائي ..
لما قال الكلام ده .. عرفت السكينة المصدية ال لقتها في الحوض ده كانت بتستخدم لايه .. وبعد فتره كنت في الفناء بشرب سجارتي في نفس المكان .. خرج صديقي .. بس المرة دي خرج جثة !! .. سالت الحارس
-- هو مات ازاي ؟
- زي مكلهم بيموتوا .. قتل نفسه مستحملش مقر العزل وانتحر ..
صديقي منتحرش !! انا عارف كويس ايه ال حصله ..
هل اعجبك الموضوع :

تعليقات

التنقل السريع