القائمة الرئيسية

الصفحات

لو اتعرض عليك انك تروح إجازة مجانية اسبوع هناك هتروح ؟ ..

قصص قبل النوم قصص اطفال قبل النوم قصص للاطفال قبل النوم حواديت ماما نونا قصص اطفال قبل النوم مكتوبة قصص قبل النوم للأطفال قصص اطفال قبل النوم طويلة قصص الانبياء, قصص اطفال, قصص رعب, قصص واقعية, قصص قبل النوم, قصص القران, قصص العربية, قصص عالمية قصص رعب, قصص واقعية, قصص قبل النوم, قصص عالمية قصص خيالية قصص اطفال قصص قصيرة قصص خرافية قصص الاطفال قصص للاطفال قصص عربية للاطفال قصص اطفال جديدة قصه قصيره قصص رعب قصص مرعبة قصص روايات قصيرة


 شايف الجزيرة الجميلة ، الجزيرة دي في بحيرة البندقية في شمال إيطاليا اسمها بوفيليا ، حتي اسمها جميل .. لو اتعرض عليك انك هتروح إجازة مجانية اسبوع وكل خدماتك هتبقي متاحة هناك هتوافق ؟ .. طيب قبل متجاوب خليني احكيلك قصتها وتفكر بهدوء ..

سنة٤٢١ م كان في مجموعة من البربر بيحاربوا إيطاليا ، فبعض من الإيطاليين ملقوش مفر غير انهم يعيشوا آمنين وسط البحر في الجزيرة دي ، بس للاسف عشان كثرة السفن في الوقت ده كان محطة حروب وخلت كل غازي يطمع في الجزيرة دي ، وعشان كده ملك إيطاليا قرر أنه ياخد كل سكان بوفيليا ويعيشوا في ايطاليا وتبقي المنطقة عسكرية للحروب بس ، ومحدش يسكن فيها نهائي ، بس في القرن التاسع الجزيرة ازدهرت اقتصاديا تاني والناس رجعت عشان مكانها الاستراتيجي ، ولكن بدات غزوات تاني وبدأ الحراك الشعبي أنه يتصدي لاي معتدي علي الجزيرة ..
بس سنة ١٣٧٣ هدد الجزيرة أسطول عظيم وده ال خلي السكان تهرب نهائي ، ومحدش بقي في الجزيرة لمدة ذادت عن ٤٠٠ سنة .. لحد مجت نهاية العالم في الوقت ده ! ..( الطاعون ) .. الطاعون ظهر في ايطاليا سنة ١٧٩٣ ، مكنش في اي حل واي علاج ، ومفيش حكومة عارفة تتصرف ، فقررت حكومة إيطاليا أنها تحرق كل جثث المصابين بالطاعون في بوفيليا ، بس المرض بقي ينتشر بين الناس فمكنش قدام الحكومة في الوقت ده غير أنها تنقل كل المصابين وهما احياء بالسفن لبوفيليا ويعيشوا هناك مع نفسهم بالاجبار نساء وأطفال وشيوخ ، وخليتها مقر للحجر الصحي ، الوثائق كانت بتقول إن الموضوع كان صعب جدا والناس بتتاخد وعارفة إنهم مش هيواجهه مرض مجهول من غير حتي طبيب معالج ، مش بس كده كل البلدان المحيطة بقيت تبعت المصابين لبوفيليا ، حتي المشتبه إنه مريض بيروح بالاجبار .. بس المرة دي تذكرة واحده ، رحلة ذهاب من غير عوده ..
الناس في ايطاليا اتجننت من خوفها بس انها تخرج وتتصاب بالمرض وتعيش في جزيرة لوحدها بسفينة فيها جنود لابسين قناعات غريبة ، ومهمتهم حاجة واحده بس ، انهم لما ينزلوا بشحنة الناس الجديدة يحرقوا الجثث المتوفية ، بلغت الإحصائية للحرق ١٧٠ الف جثة علي الجزيرة بس .. كل ده استمر لسنة ١٨١٤ .. وفضلت ١٠٠ سنة مهجورة مفهاش غير عظام الموتي ورمادهم ..
وسنة ١٩٢٢ قررت السلطة في ايطاليا انها ترجع الجزيره تاني للحياة عن طريق مستشفي للامراض النفسية في قلب الجزيرة ، واتعين اطباء مختصين بيذعموا انهم عندهم طريقه لشفاء المرضي النفسيين والعقليين ، ال كان بيروح من المرضي كان بيشتكي انه بيشوف ارواح لناس بتيجي تكلمه وتقوله إنه مات هنا من زمان ، ويحكيلوا قصة الطاعون ، والمريض مكنش بيسلم من الخوف ، وكان رد الاطباء انها هلوسة وكده كده بيتعامل مع مرضي نفسيين .. وبداؤ يستخدموا التعذيب مع المرضي ال بتأكد ظهور الارواح دي ..والأسلوب مكنش جايب نتيجة والنتيجة كانت أن جميع المرضي ماتوا هناك .. ماتوا بالتعذيب الجسدي والنفسي ، وتم اغلاق المستشفي سنة ١٩٦٨ ..
ونتيجة كل الاحداث المأساوية دي ظهرت كتير من القصص ال بيصدقها البعض ويكدبها البعض ،.. زي مثلا المدن القريبة من الجزيرة بتقول انهم بيسمعوا أصوات صراخ جيا من هناك وساعات اضواء ليلية ، ومحدش قادر من السكان ال قريبين من بوفيليا انهم يزوران الجزيرة لحد دلوقتي ، وال ذاد الأمر غرابة هو منع السلطات الإيطالية للسياح زيارة بوفيليا ، كمان الصيادين القريبين من الشواطيء بيقولوا انهم احيانا كتير بيلاقوا في شبك الصيد عظام لبشر .. الحكومة الإيطالية عرضا الجزيرة للبيع في الوقت الحالي ، علي امل يجي مشتري يظبط الدنيا لأن الجزيرة فاضية تماما .. ومين عارف يمكن ناس تشتريها وتبقي مكان سياحي جميل ، بس خلينا نرجع لسؤالنا .. لو اتعرض عليك انك تروح إجازة مجانية اسبوع هناك هتروح ؟ ..
هل اعجبك الموضوع :

تعليقات

التنقل السريع