القائمة الرئيسية

الصفحات

-- ازيك يافاطمة انتي مش فكراني !! ..

 

قصص قبل النوم قصص اطفال قبل النوم قصص للاطفال قبل النوم حواديت ماما نونا قصص اطفال قبل النوم مكتوبة قصص قبل النوم للأطفال قصص اطفال قبل النوم طويلة قصص الانبياء, قصص اطفال, قصص رعب, قصص واقعية, قصص قبل النوم, قصص القران, قصص العربية, قصص عالمية قصص رعب, قصص واقعية, قصص قبل النوم, قصص عالمية قصص خيالية قصص اطفال قصص قصيرة قصص خرافية قصص الاطفال قصص للاطفال قصص عربية للاطفال قصص اطفال جديدة قصه قصيره قصص رعب قصص مرعبة قصص روايات قصيرة

- تشربي ايه ياستاذة فاطمة ؟

-- ولا اي حاجة ياحضرة الظابط ..
- مينفعش ياستاذة فاطمة التحقيق كبير ولازم تشربي حاجة.. قهوتك ايه ؟
-- زيادة لو امكن ..
"" ينادي الظابط فريد علي العسكري محفوظ ""
-- القهوة بتاعتي وقهوة زيادة للهانم ..
"" يخرج العسكري محفوظ وهو يادي التحية ، اما الظابط فريد يشعل سجارته وينظر لفاطمة مبتسما قائلا ""
-- احكيلي من الاول خالص ..
- الموضوع بدا من شهر ياحضرة الظابط ، من شهر بالظبط ..
كنت راجعة بعد يوم متعب من المستشفي ، وفتحت الانستجرام ، مكنتش بفتح بقالي اسبوع ..نزلت صورتي خصوصا ان عندي عدد كبير جدا من الفولورز وبيطمنوا عليا ، بعد ساعة بالظبط لقيت كومنت من شخص غريب كتبلي "" وحشتيني "" في الحقيقة مهتمتش ، اكيد من الفانز بتاعتي .. بس اما فتحت تاني لقيته باعت رسالة !! وكاتب فيها ..
-- ازيك يافاطمة انتي مش فكراني !! ..
دخلت الاكونت بتاعه مكنش حاطط صور ليه .. فبعتله رسالة ..
- لااسف معرفتكش عشان انت مش حاطط صورة ليك ومش هقدر اخمن !! ..
- انا وليد صلاح ، ازاي مش فكراني ؟!
حولت استجمع ذاكرتي بس مقدرتش ..!! مفيش حد بالاسم ده نهائي اعرفه ؟ هديت شوية وبعدين بعتله
-- للاسف ياوليد انا مش فكراك نهائي ..
-- فاطمة احنا كنا بنسهر مع بعض من ٣ سنين !! .. مش فاكرة الصورة دي ؟
كان بعتلي صورة غريبة !! .. انا قعدة شبه عارية مع شخص معموله cut ، ال في الصورة دي انا ، بس كنت قاعدة مع مين ؟ وامتي !! .. ال في الصورة دي انا !! ، ازاي انا اكون في الوضع ده اصلا ؟ .. عملتله بلوك وانا خايفه .. خايفة جدا ..
بس الامر بقي خطير بعد ساعة لما لقيت رسالة علي الواتس ابب مكتوب فيها ..
-- فاطمة انتي عملتلي بلوك ؟ فاطمة انتي بتعملي لوليد اكتر شخص بيحبك في الدنيا بلوك ؟؟ انا جي اسكندرية عشان اعيش معاكي وده يبقي جزاتي ؟ ..
- انااا معرفكشش !! انت مجنون !! ..
-- واضح يافاطمة ان تاثير الحادثة ال من ٣ سنين لما كنتي معايا نسيتك حاجات كتير !! هي غيبوبة سنة تناسيكي وليد ؟ ..
"" يدخل العسكري محفوظ وهو يحمل القهوة ، اما فاطمة تخرج منديلا وتمسح جبينها المتعرق من التوتر .. ""
-- كملي يادكتورة وانتي بتشربي القهوة .. كملي انا عارف ان ال بتحكي ذكريات سيئة ..
- خوفت .. خوفت جدا لما قالي حوار الحادثة !! .. انا فعلا لقوني عاملة حادثة بعربيتي في الشارع ، وفعلا في حاجات كتير مش هقول مش فاكرها بس بتسقط مني وباخد ليها علاج بس مش هنسي شخص بذكرياته اكيد .. انا كنت مع الشخص ده ؟؟ بدات ابعت لاصحابي رانيا وسارة هل انا عارفة شخص اسمه وليد صلاح ؟ كان جوابهم بالنفي ..
بعد دقايق بعتلي صور كتير ليا تشبه الاولي بس لوحدي صور خاصة جدا !! .. انا ست متجوزة .. ومتجوزه حسام السيوفي !! .. خوفت ، خوفت جدا الصور دي فعلا كانت عندي ، فضل يقولي ذكريات قديمة من ايام الثانوي والكلية !! .. وختم كل ده برسالة
-- فاطمة وحشتيني وعايز اتجوزك !!!
- انت مجنون .. انا معرفكش ، انا بكلمك يمكن اتذكر ، بس انا معرفكش .. انا ست متجوزة ..
-- بس انا عايزك ليا .. ليا وبس
- ارجوك انا متجوزة وال انت بتعمله ده غلط ..
عمل سين لرسالة وبعتلي سمايل وعلامة اوك .. بعت كل ال حصل للشرطة وبداو التحقيق ، في الليل سمعت صوت حد بيفتح الباب .. كنت خايفة صحيت حسام !! نزل وهو واخد سلاحه من الدولاب ، بعد دقايق سمعت صوت طلقة !! .. كنت خايفة انزل ..
-- حساام .. حساام انت كويس !!
جتلي رسالة علي الواتس
-- كده انت بقيتي ليا بس !! ..
انا خايفة جدا ياحضرة الظابط ..
"" يشعل الظابط فريد سجارته وهو ينادي علي العسكري محفوظ فيدخل مسرعا '""
-- محفوظ دخلي المتهم الاول ..
"" يدخل شاب يرتدي قميصا اخضر بالي وبنطال اسود وقبعه بيضاء متسخه ، وعلي وجهه اثار الضرب ""
-- ياباشا .. ياباشا قسما بالله مقتلت حد !! ..
- متتكلمش غير لما اوجه ليك السؤال ..
- انت عارف صالح بتاع التليفون ..
-- معرفه زي الخرا .. معرفة طين ياباشا ، يوم مطلعلوش شمس ال عرفته في .. وبعدين ياباشا مهو جوا في الحجز انا مالي .. انا جي اسكندرية ضيف يومين !! يومين بس ..
-- تعرف مدام فاطمة ..
"" ينظر الشاب اليها ، وتصيبه رعشة خفيفة !! وكانه نسي اثار التعذيب التي تمليء وجهه وينظر للظابط ""
- لا معرفهاش ..
-- متحولش تكدب يااحسين ، الكدب هيخليك تقعد هنا فتره كبيرة اقعد ، اقعد وادي سجارة هنا واحكيلي ..
"" يبلع ريقه وهو ينظر لها ، ويتحدث ""
-- باباشا انا كنت اعرفها بس دي معرفهاش ، انا اعرف واحدة تانية .. من سبع سنين ياباشا انا كنت هخطب واحدة اسمها فاطمة ناصر عطية ، بنت جميلة خارجة من معهد تمريض وانا سكرتير في نفس المستشفي ، كانت احلامنا بسيطة ، واتخطبنا فعلا .. بس حصلت حاجة غريبة اوي ياباشا ، كنت بشوفها في الافلام العربي ، يدخل رجل اعمال المستشفي ويعجب بممرضة ! .. هربت ياباشا ، هربت ومعرفتلهاش اثر ، لحد ملقيتها علي الانستجرام في مرة .. فضلت اقول هي ولا مش هي .. بعتلها رسالة لو انتي فاطمة فانتي وحشتيني ..!! ومن بعدها ياباشا معرفش عنها حاجة غير انها صاحبة مستشفي في اسكندرية ..
"" وينظر فريد لفاطمة وهو يشعل سجارته ..""
- معاكي الرقم ال كان بيكلمك علي الواتس ابب يادمدام فاطمة ..
-- اكيد
"" تدلي فاطمة بالرقم لفريد ""
-- عايزك تحفظ الرقم ده كويس ياحسين ..
لما حققنا اكتشفنا كالاتي ، مدام فاطمة فعلا عندها حادثة صعبة من ٣ سنين .. اديت انها تفقد جزء من ذاكرتها بدعائها .. موبايل مدام فاطمة راح لصالح عن طريق واحد شغال في المستشفي اسمه نجيب صديقكك صالح ليه اكتر من سابقة في استغلال صور الموبايلات ال بتتعمل سوفت وياخد الصور ال كانت علي الجهاز .. لحد كده القضية لبساكوا .. بس بعد مراجعة وال خلاني مجزمش اوي ، هي والدة حسام ال قالت ان حسام كان بيدردش معاها وبيقولها
-- ان الكلب بتاعه اتسمم لما اكله لحمة من البيت !! .. وشك في الشغالين ..
خلاني اعيد نظر لحاجات كتير ، بالضغط علي نجيب ال مكنش في الحسبة ، مدام فاطمة وصيت ان التليفون يروح لصالح صاحبك عشان الحجه انه "" بتاع صيانة شاطر "" وده ال يخليني اسال ، ليه واحدة زي مدام فاطمة متوديش موبايلها في التوكيل ؟ وتراقبي حسين ال كاتب بوست علي صفحته قبل مقتل جوزك انه رايح اسكندرية وكومنت صالح ال بيقوله هتنورني ياصديقي .. بس كل ده فرضيات .. ممكن تقولي رقم التليفون ال كان بيبعتلها علي الواتس ياحسين !!
"" يردد الرقم حسين ""
مدام فاطمة ده رقم شخص اسمه رجب عبدالسلام ، كان مريض عندك في المستشفي وحضرتك كنتي بتابعي عليه بنفسك قبل ميموت ، وجبتيله تليفون عشان منعتي الزيارة بحجة انه يطمن اهله عليه ..
تقدر تروح ياحسين واسفين علي كرم الضيافة ال كان تقيل شوية .. افتح المحضر ياسمير
س : مدام فاطمة ايه الدافع من قتل حسام السيوفي ؟
هل اعجبك الموضوع :

تعليقات

التنقل السريع