القائمة الرئيسية

الصفحات

ايوه اساعدك ! اسحب ورقة.......

قصص الانبياء, قصص اطفال, قصص رعب, قصص واقعية, قصص قبل النوم, قصص القران, قصص العربية, قصص عالمية قصص رعب, قصص واقعية, قصص قبل النوم, قصص عالمية

كان الوقت متاخر جدا لما شوفته ، لما بصيت فى عينه شوفت هدومه البالية وسنانه الصفراء ، حولت اتجهله بس قرب منى ريحته الكريهة خلتنى امشى خطوات تانية للامام ، بس اتكلم وقرب منى وهو بيقول
- عامل ايه ؟ ..
بصتله وقولتله ..
-- انا اسف جدا مش معايا فكه ..
ضحك ضحكة غريبة اوى وهو بيطلع من جيبه مجموعة اوراق شكلها اغرب ، وبصلى وقالى !
-- ومين قالك انى محتاج فلوس بالعكس انا جى اساعدك ..
- تساعدنى ؟ ..
- ايوه اساعدك ! اسحب ورقة
ابتسم وقولتله
- طيب ارجوك انا مش محتاج مساعدة ومش قادر العب انت شايف الوقت متاخر وانا جي من الشغل مرهق ومستنى الاتوبيس عشان اروح ..
بص على ورقة معاه وهو بيبتسملي وانا حطيت الهاند كنوع من التجاهل مكنتش بسمع حاجه عشان كده سمعته لما قالى
-- براحتك ! .. بس انت هتموت النهارده فمش هتلحق تتهنى باجازه بكره ..
حسيت إن فى حاجة غلط !! .. يعني هموت النهارده وبعدين انا بكرة فعلا مقدم على طلب اجازه ؟ .. قلعت السماعة وانا بقوله باستغراب وبصوت صارم جدا ! ..
- انت مين وانت عرفت منين انى بكره اجازه !! ..
متكلمش وشاور على الورقة ، سالته تانى !
- ايوه يعني ايه ؟
- ده التاورت .. ده المستقبل .. والورقة بتقولى ده !! اوعى ترجع البيت !! اسحب ورقة واقولك ال هيحصل ..
انا عارف ان الدجالين والمشعوذين بيقولوا كلمة صح وسط الآلاف الكلمات الخاطئة عشان يقنعك بال هو عايز يعملوا ، بس الحقيقة انا كان عندى فضول كبير خصوصا ان طلب الإجازة انا لسه عمله ، وحكاية الموت دي غريبة اوى ..
سحبت ورقة !! ولما اخدتها مسكها وفضل يتاملني لثوانى وبعدين قالى وهو رافع حاجبه ؟ ..
- انت تعرف باز ؟ ..
لما قال الاسم ده حسيت بقشعريرة مسكت كل جسمى !! .. انا فعلا عارف الاسم ده ، ده صديق ابنى الخيالى ، ديما بيقعد يتكلم معاه فى اوضته وديما يحكيلي عليه !! كنت فاكر انها مجرد حالة وهتروح لحالها بس ابنى بقي منطوى لفتره كبيرة وديته دكاتره نفسيه كتير ، بس مكنش بيستجيب والفتره الاخيرة بقى يمشى وهو نايم ويقول كلام غريب ! .. ولما افكره تانى يوم مبيفتكرش اي حاجة من دي ، لحد مفى وسيط روحانى قالى هاته وعشان كده اخدت اجازه بكره وهودي ليه !! .. عشان كده لما قال الاسم حسيت برعشه وقولت
-- ده صديق ابنى الخيالي !!
هز راسه باسف وهو بيقولى ..
- ابنك مصاحب شيطان ؟ ..
متكملتش فقالى .. تحب احكيليك هتموت ازاي ؟؟ ..
اتخنقت من كلامه فزعقت وانا ماسك رقبته
-- متقولش هموت دي !! متقولش هموت مفهوم ؟؟
كان بيضحك واتكلم وقال
- على قد مانت متعصب .. بس لو انا مشيت انت هتمسك فيا ! .. تحب امشى؟ الاتوبيس جه ! ..
كان معاه حق انا عايز اسمع ! .. ولعت سجارة وتجهالت الاتوبيس وقولتله اتكلم .. بص فى الورقة لاكتر من دقيقة وبعدها اتكلم وقالى ..
- هترجع البيت ، هتقف قدام باب الشقة هتلاقى نفسك ناسى المفاتيح ! ..
وهو بيتكلم حسست بايدي علي جيبي كان فعلا المفاتيح مش معايا عينه كانت متبعاني عشان كده كمل وهو مبتسم ..
-- مراتك هتفتحلك .. هتقولك انها طول اليوم منمتش من قلقلها على ابنك ال نايم طول اليوم ، هتقولها انه تعبان وبعدين بكره الصبح هنروح انا وانتى .. هتسيبها وتدخل اوضتك تغير على صوتها وهى بتقولك هحضرلك العشاء .. هتاخد المنشفه وتدخل الحمام ، بس وانت خارج هتلاقى ابنك واقف على باب اوضته بيبصلك بنظره كلها شر ، هتبتسمله وهتنادي مش هيجيلك وهيقفل باب اوضته عليه ! .. هتدخل الحمام ، واول متقلع هتسمع اقوى صرخة سمعتها فى حياتك جيا من المطبخ من مراتك ! هتطلع جرى عشان تلاقيها مدبوحه هتجرى عليها ، وانت بتتلفت فى كل مكان على مين عمل كده ! .. بس ابنك وراك هيديك بالسكينة في رقبتك ! ..
قال الكلام ده وادانى الورقة !! .. وهو بيكمل وبيقولى
- خلاص الورقة دي مفعولها انتهى خليها ذكرى لساعاتك الاخيره ..
كان مكتوب عليها ورقة الشيطان .. ركبت الاتوبيس ال بعده وانا بفكر في كلامه كله .. طلعت بيتنا ورنيت الجرس .. فتحتلي زوجتي وهي بتقولي
-- اخيرا جيت ، ده انا منمتش من امبارح !! ..
كنت عايز اسيب البيت واجرى .. بس لقيتها بتزقني لجوا وهي بتقولي
- وحشتني !! .. لا مالك فى ايه ؟ مش هيبقي ابنك ال نايم طول اليوم وانت جى صامت !!
لقيت نفسى بقول تلقائي ..
- متيجي نمشى من هنا !!
-- نمشي ايه في ايه ؟؟ .. خش ياحبيبي خش انا مش ناقصه مرض نفسى مش هتبقي انت وابنك بجد !! هحضرلك العشاء على متغير هدومك !! ..
كنت ببص على غرفة ابنى !! .. كانت مقفولة ، قررت انى مطلعش الحمام ، انا هكون في اوضتي .. ! ابنى خرج ووقف قدام باب اوضتي ، كانت عنيه بيضة تماما !! .. عدا باب الاوضة عشان اجري بعد ميختفي واقفلها ! .. سمعت اقوى صرخة سمعتها في حياتي جيا من المطبخ !! .. ودلوقتى فى صوت تكسير لاوكرة باب اوضتى ، سامع صوت ابنى بيستعطفنى انى افتح الباب بيقولي
- بابا .. بابا الحقني باز موت ماما وهيقتلني ، الحقني ارجوك
بس اين كان ايه ال بيحصل ، اين كان ايه ال برا انا مش هفتح الباب !
---------
هل اعجبك الموضوع :

تعليقات

التنقل السريع