القائمة الرئيسية

الصفحات

سيدة عندها 75 سنة كانت حامل لمدة 46 سنة من غير ما تعرف!!



 سيدة عندها 75 سنة كانت حامل لمدة 46 سنة من غير ما تعرف!!

سنة 1955م، في قرية مغربية صغيرة، سيدة اسمها (زهرة أبو طالب) كانت حامل ودخلت مرحلة المخاض.
كان عندها هواجس وخوف من حملها، وإنها ممكن تموت وهي بتولد، وده لأنها شافت واحدة بتموت قبل كده وهي بتولد، واتعذبت في غرفة العمليات، وده كان سبب إصابة (زهرة) بفوبيا الولادة.
ولما راحت المستشفى، وبدأ مشهد موت الست يتعاد قدام عينيها، هربت.
فضلت أيام حاسة بألم شديد في بطنها، وبعدين الألم وقف فجأة.
(زهرة) كانت مؤمنة بأسطورة اسمها أسطورة "الطفل النائم"، ودي معناها إن الجنين ممكن ينام في بطن الأم وبعدين يفوق بالسحر الأسود أو الأبيض ويتولد بعد فترة الحمل العادية.
وبسبب إيمانها بالأسطورة، بدأت تعيش حياتها وتنسى الطفل اللي في بطنها، وبدأت تمارس عادتها اليومية عادي، ونسيت إنها كانت حامل.
وبعدين اتبنت 3 أطفال لأنها قررت مش هتولد حياتها كلها، وربتهم وكبروا وخلفوا وبقت جدة.
وصلت (زهرة) لسن الـ75، يعني بعد حوالي 46 سنة، بدأ الألم يرجع تاني، وكان صعب جدًا مقدرتش تتحمله.
راحت المستشفى، والدكتور شاف إن فيه انتفاخ في معدتها، وخاف لا يكون ورم في المبيض، لكنه مكنش ورم، والطب كان محتار في أمرها.
الدكتور طلب منها تعمل فحص بالموجات فوق الصوتية، لقى كتلة بيضا كبيرة شكلها غريب في بطنها، وعجز عن فهمها!
فبعتها لأخصائي الآشعة علشان يشوف رأيه بخصوص حالة (زهرة).


وبعد فحوصات كتير وآراء كتير اتصدم الدكاترة من اللي اكتشفوه.
اللي في بطن (زهرة) مش ورم، بل ظاهرة طبية نادرة!
الكتلة اللي موجودة في معدة (زهرة) عبارة عن قطعة حجرية، معروفة باسم "الطفل الحجري"!
اللي حصل إن الطفل اندمج مع أعضاء (زهرة) وجدار البطن، ومات من سنين طويلة!
وعلشان جسمها يحمي نفسه من العدوى، طور طبقة من مادة وجمعها حوالين الطفل الميت، وبكده يكون حصله تكلس، واتصلب مع مرور السنين، ومن هنا جيه مصطلح "الطفل الحجري"!
الطفل فضل متحجر في بطن (زهرة) لمدة 46 سنة بدون ولادة ولا ألم، و(زهرة) تعايشت مع الموضوع!
فيه حوالي 300 حالة حول العالم تم الإبلاغ عنها للمتلازمة دي، لكن طفل (زهرة) فضل وقت كبير جدًا، أكبر من كل الحالات التانية!
اتعمل لـ(زهرة) عملية جراحية لإزالة الجنين المتحجر، وكانت عملية دقيقة وصعبة جدًا، لأن اللي حصل إن الطفل اندمج مع جدار البطن والأعضاء الداخلية ولزق فيهم!
وبعد 46 سنة حمل ولدت (زهرة) طفل متحجر حكمت عليه بالموت من زمن طويل!
الموضوع صادم، ومريب، وغريب، ولكنه مثير.
لو عجبك المقال متنساش التفاعل والشير علشان استمر.
اللي عاوز يفهم أكتر عن الجنين المكلس أو الجنين المتحجر ده لينك شارح كل حاجة:
-
هل اعجبك الموضوع :

تعليقات

التنقل السريع