القائمة الرئيسية

الصفحات

‏شاب فرنسي اسمه (Anthony Loffredo) قرر إنه يحول نفسه لكائن فضائي


 

‏شاب فرنسي اسمه (Anthony Loffredo) قرر إنه يحول نفسه لكائن فضائي، فقطع أنفه وشق لسانه وقطع ودانه وعمل وشم على عينه وجسمه كله، وحط على دماغه غرز شبيهة بغرز "Hell Boy"، ونشر الصور على حساب الإنستغرام بتاعه وقال إنه فخور جدًا باللي وصل له، وإنه قدر يتحول بنسبة 16% لكائن فضائي، ولسه عنده أفكار تشوهية كتير.

وقال لصحيفة "ميدي ليبر" الفرنسية إن من وهو صغير شغوف بالتشوهات الجسدية!
(لوفريدو) شاب فرنسي اتولد في فرنسا، ولما قرر إنه يغير شكل جسمه بالمنظر اللي حضراتكم شايفينه، في فرنسا ده يعتبر قانونيًا ممنوع، رغم إن عمليات التجميل والتغيير الجسدي موجودة في فرنسا بكثرة، ولكن الحد اللي عاوز يوصل له (لوفريدو) غير قانوني، وعلشان كده سافر برشلونا عمل العمليات ورجع.
(لوفريدو) شال أنفه وشق لسانه ورسم وشم على جلده كله ورسم على بياض عينه، وعمل ثقوب في وجهه كله وقطع ودانه وعمل غرز "Hell Boy" في دماغه!
سنة 2017م في مقابلة مع صحيفة "ميدي ليبر" الفرنسية (لوفريدو) قال:
"منذ سن مبكر جدًا، كنت شغوفًا بالطفرات والتحولات في جسم الإنسان. حصلت على نقرة عندما كنت حارس أمن. أدركت أنني لم أكن أعيش حياتي بالطريقة التي أريدها.
أوقفت كل شيء في سن الـ24، وغادرت إلى أستراليا. أجاهد كي أتحول إلى شخصية مخيفة."
في الشهور الأخيرة مشروع التحول لإنسان فضائي الخاص بـ(لوفريدو) حصل له تقدم كبير جدًا، خصوصًا لما شال أنفه!


خرج (لوفريدو) في 15 سبتمبر اللي فات على الإنستغرام بفيديو، وكان فخور جدًا بنفسه، وبيشكر الشخص اللي عمل له التحول الغريب ده، وقال له بالنص:
"شكرًا لك، لقد ميزت حياتي. الآن يمكنني السير والنظر عاليًا بفضلك، أنا فخور بما فعلناه معًا."
وشارك صورة أخيرة يوم 22 سبتمبر، من 5 أيام، قال فيها إن مشروع تحوله لكائن فضائي اكتمل بنسبة 16%، والناس كلها متعجبة ومنتظرين يكتشفوا الـ84% التانيين اللي مخبيهم (لوفريدو)!
(إبليس) في سورة النساء الآية رقم "119" قال لربنا سبحانه وتعالى:
(وَلَآمُرَنَّهُمْ فَلَيُغَيِّرُنَّ خَلْقَ اللَّهِ)
صدق الله العظيم.
متنساش الشير لو المقال عجبك، وشكرًا.
هل اعجبك الموضوع :

تعليقات

التنقل السريع