القائمة الرئيسية

الصفحات

""" لازم تسمع كلامي .. ولازم تيجي معانا وتدله علي الحاجة !! """



خلى بالك من الغرباء ال بتشوفهم في الطريق فى وقت متأخر متغلطش غلطتي ، ، انا كنت زيك بالظبط مش مهتم بالنصيحة دي ، الموضوع بنسبة ليا كان خيالى لأقصى درجة لحد امبارح انا دلوقتي في ورطة كبيرة ومش عارف هتصرف ازاي !! ، كان الجو ممطر جدا وكعادتي كنت بلف بالتاكسى على امل انى الاقى ركاب ، الساعات كانت بتمر وانا مش لاقي زبون حسيت بلملل وقررت اني هلف اخر لفة ولو ملقتش حد هرجع انام واحتمي من المطرة أفضل ليا ، اخدت لفة في المنطقة الشرقية للمدينة ! ظهر قدامي راجل كبير في السن معاه بنت منتقبة وجمبيهم شوالين ، كان بيشاورلي عشان اقفله .. وفعلا وقفت وحصل بينا حوار !
-- ممكن توصلنا لقرية الجبل ؟
- لا انا اسف جدا المشوار بعيد ..!
-- انا عارف ان المشوار بعيد بس صدقني انا هديك ال انت عايزو ، واعتقد مش هتسيب راجل قد والدك في المطرة دي والتاكسي بتاعه عطلان ! ..
حسيت أنه احرجني بكلامه فحولت اعجزه وانا بقول ..
- هاخد ٥٠٠جنية !
- هديك ٦٠٠ لو وصلنا بدري ..
اتنهدت وقولتله اركب ، طلب مني اني افتح شنطة العربية عشان يحط الشوالين ال قالي انهم فيهم خضار .. فتحت الشنطة وركب جنبي والبنت ركبت وراه .. كان هادي طول الطريق ، الطريق طيني ومش متسفلت وفي حفر كتير وده كان سبب رفضي ، حولت اقطع السكوت ده واتكلمت ..
-- ايه ياحج ال جابك المدينة طلما انت من قرية الجبل ..
قبل ميجاوبني بنت زهقت وقالت إنها عايزة كراسة الرسم بتاعتها ، فتح كيس اسود وطلع منه كراسة رسم وادهالها ، وبصلي وقالي ..
-- من بعد وفاة أمها يابني وبنتي مش مظبوطة ، بيقولوا أنها ممسوسة ، بس انا مش مؤمن بكده انا واثق انها مريضة ، كل يوم يابني بتصحي بشخصية شكل وبتقول اي كلام ، اهو عندك النهاردة مثلا فاكرة نفسها رسامة مشهورة وان لوحتها بتلف العالم ومحدش عنده القدرة أنه يقنعها عكس ال هي مامنة بي ..
بصيت ورايا عشان الاقيها فعلا بترسم .. لقيت نفسي بواسي وبدعلها بالشفاء ، بس في نفس الوقت جالي تليفون من اخويا صابر .. رديت
-- الو ياعصام .. انت فين كل ده ؟
- لا انا هتاخر ياصابر النهاردة عندي مشوار لقرية الجبل ..
- قرية الجبل ؟ ايه ال هيوديك هناك ..
-- النصيب ياصابر .. قولي عايز ايه لخص بالله عليك ..
- مفيش ياعم انا بطمن عليك .. اصل في حادثة بيقولوا اتقتل فيها اتنين نبيل الجوهرجي ال عندنا وأخوه ومش لاقين الجثث والدنيا ملبشه في المدينة انا لسه جي واللجان عمالة توقف العربيات فقولت اطمن عليك ..
- جريمة قتل لا حول ولا قوة الا بالله لا ياعم متقلقش انا مش راجع غير الصبح تقريبا ..
خلصت المكالمة عشان الراجل العجوز ال جنبي يسالني !
-- خير يابني سمعتك بتقول جريمة قتل ..
حكتله ال قاله اخويا صابر ، عشان يحسبن عليهم ويستاذني أنه هينام .. شغلت الكاسيت عشان اسمع اي إذاعة تسليني في الطريق الممل ، بس لقيت حد بيخبط علي كتفي ! .. بصيت عشان الاقيها البنت ال ورايا ! .. بصيت عليها لقيتها بتديني ورقة فتحتها كان مكتوب فيها !!
"" لازم تسمع كلامي اهرب ياعصام ومتصدقش العراف """
مكنتش فاهم حاجة !! .. بس البنت عرفت اسمي منين ؟ .. سكت وبصيت الراجل العجوز عشان الاقيها بتديني ورقة تانية مكتوب فيها
"" الشوالين ال ورا فيهم جثتين ودهب كتير .. وانا مش مريضة !! اوعي تصدق العراف !! """
حسيت برعشة وانا بقرأ الورقة دي .. خصوصا لما الكاسيت شوش ومبقاش شغال وسمعت ضحكتها الغريبة !! .. حسيت نفسي في حيرة ! .. ممكن يكون كلامها صح ؟؟ .. ولا هي مريضة نفسيا !! .. ماممكن متكنش مريضة والراجل العجوز ده بيضحك عليا !! ..
الاجواء بقيت مرعبة مرة واحدة ومش فاهم ايه ال بيحصل !! .. لقيتها بتديني ورقة تانية مكتوب فيها !!
"" علي فكرة انا مش موجودة !! .. محدش هيلاقيني ؟ وانا بحذرك اخر تحذير !!.. مجرد متوصل للقرية هيقتلك .. ده ساحر لازم تسمع كلامي !.."""
كنت بقرا الورقة ومش مركز في الطريق !! ..وال شتت تركيزي في الورقة لما لقيت الراجل العجوز ال جنبي بيبصلي بتركيز وبيتاملني !! .. خبيت الورقة وسألته
-- انت صحيت ولا ايه ؟.
كان بيبصلي بدون ميرمش وابتسم ونام تاني !! .. كنت عايز انزلهم !! .. بس ازاي ، ممكن فعلا يقتلني ! .. انا بدأت أصدق البنت ، مش عارف ليه بدأت أصدق البنت .. ! ولحسن الحظ لقينا لجنة علي طريقنا .. هديت شوية ، اللجنة هتفتش العربية لو لقيت حاجة يبقي هيتقبض عليهم ! ..
قربت من اللجنة لحد موقفت ، دخل عليا ظابط التفتيش وسألني رايح فين وجوبت ، وأمر عسكري أنه يفتش شنطة العربية ! .. سمعت الراجل ال جمبي بيتمتم كلام غريب وهو بيبص علي البنت ال ورا ! .. كنت مرعوب من نبرة الكلام !! ..
رجع العكسري وهو بيقول !! ..
-- شنطة التاكسي فاضية يافندم
الظابط أمرني اني اتحرك ! .. كنت بتحرك وانا مذهول !! .. ازاي مفهاش حاجة ؟ .. انا مدخل الشوالين مع الراجل ده ، كنت ببص علي الراجل ال عجوز ال بيبصلي وهو بيبتسم !! .. لا مش بس ده رجع نام تاني ؟! ..
لقيت ورقة تانية ! بتتعتلي مكتوب فيها ..
"" اخر فرصة هساعدك فيها ولازم تسمع كلامي عشان تهرب .. انا هصرخ هينزل من العربية عشان يهديني ، مجرد مينزل اجري بالعربية !! ..""
بلعت ريقي .. وهزيت راسي بالموافقة ! .. سمعت صرختها ال نفضت الراجل ال جمبي وقالي اقف وبمجرد منزل عشان يطمن عليها ، فتحت بنزين وجريت !! .. كوتشات العربية اتفرقعت وهو بيصرخ فيا اني اقف !! .. زجاج الشبابيك اتكسر .. كنت مرعوب بس اين كان ايه ال هيحصل انا مش هقف !! ..
لحد محسيت اني بعدت منه ، بصيت ورايا عشان اتاكد أن ال بنت دي بخير واعرف قصتها !! .. بس ملقتش حد !! .. مكنش في اي حد في العربية ورا ..جسمي بقي يترعش من تلقاء نفسه !! نزلت اشوف شنطة العربية !! .. لقيت الشوالين .. شوال مليان دهب وشوال كبير تاني في جثتين ! .. مكنتش عارف اتصرف .. رميت الشوالين مكنتش عايز حتي الدهب كنت خايف بس لاسيب بصماتي علي الشوالين ..فكنت بنزلهم بالعصاية ، ومجرد منزلتهم رجعت تاني من طريق جانبي باتجاه المدينة .. حتي وانا راجع كنت مرعوب ! ..
رجعت البيت وانا خايف ركنت العربية وطلعت فتحت باب الشقة ، عشان الاقي صوت من الصالون صابر اخويا بيضحك .. دخلت عليه عشان جسمي يتنفض !! .. قاعد معاه الراجل العجوز الغريب وبنت !! البنت المنقبة .. الراجل العجوز بيبصلي بابتسامة غريبة .. واخويا بيقولي !
-- اتاخرت ياعصام علي ضيوفك ، الحج بيقول أنه معرفتك ده حافظك اكتر مني ياجدع .. اسيبك انا بقي واحضرلكم الشاي ..!
العجوز كان بيبصلي بنظرة مخيفة !! .. والبنت قربت وهي بتقلع النقاب .. اسوء وجه شوفته في حياتي ! .. وبتديني ورقة مكتوب فيها
""" لازم تسمع كلامي .. ولازم تيجي معانا وتدله علي الحاجة !! """
هل اعجبك الموضوع :

تعليقات

التنقل السريع