القائمة الرئيسية

الصفحات

-- يافندم انا عارف قصة البيت ده .. !/ قصة جديدة

قصص,قصص اطفال,قصص عربية,قصص عربيه,قصص قصص,قصص للاطفال,قصص عربي,قصص عربية للاطفال,قصص العربيه,قصص الاطفال,قصص العربية,قصص قبل النوم,قصص الاميرات,قصص اطفال قبل النوم,قصص للاطفال قبل النوم,قصص قبل النوم للاطفال,قصص رعب,قصص رنا,قصص الجن,قصص اطفال سندريلا,قصص كويلي,قصص مرعبه,قصص مرعبة,قصص مخيفه,قصص معبره,قصص مفيده,قصص مشهوره,رنا قصص رعب,قصص رعب رنا,قصص الارواح,قصص فيها عبره,قصص رعب حقيقية,قصص اطفال جديدة,قصص مرعبة حقيقية,قصص حقيقية مرعبة,قصص الجن و الارواح,قصص سحرية للأطفال,قصص مضحكة للأطفال


 مينفعش تقف فى طريق المزرعة المهجورة ، اين كان ايه ال حصلك مينفعش تقف ، اين كان ايه ال شوفته مينفعش تقف .. هي دي اللافته ال في أول الطريق ال حطينها أهالى المنطقة ، علي قد مهو طريق سريع وبيربط بين المدينة إلا أنه محدش بيقعد في .. كل البيوت مهجورة بسبب المزرعة القديمة .. بيقولوا إنه أهل المزرعة خطفتهم الشياطين والمرزعة محدش عايز يشتريها ولو بربع السعر ، شايفوا كلام فارغ ؟ بس صدقني لو عديت علي الطريق ده مش هتقول معاهم الف حق انهم يطلعوا كل الاساطير علي الطريق ده .. امى تعبت جدا وكنت لازم انزل ، كان غصب عنى لازم اخد الطريق ده إنجاز للوقت ومخدتش الطريق التاني ال هيقعد ساعتين ونص .. اخدت في طريقي صديقي ياسر ، عايزين الحقيقة كنت خايف وهو اشجع مني ..

خلصت قهوتي .. وقولتله
-- يلا بينا ياسر انا جالي تليفون مهم .. امي تعبانة ولازم اروح دلوقتي حالا
- مالها خير !!
-- مش عارف .. صدقني مش عارف اختي اتصلت بيا بتعيط ..
ركبت عربيتي واخدته معايا .. ودخلت طريق المزرعة المهجورة .. لقيته بيبص للافتة بعنيه وبيتابعها ! ..
مينفعش تقف فى طريق المزرعة المهجورة ، اين كان ايه ال حصلك مينفعش تقف ، اين كان ايه ال شوفته مينفعش تقف ، لو حد طلب منك المساعدة اوعي تنزل من عربيتك .. اتمني توصلوا بالسلامة ..! ""
لما قرا اللافتة بصلى وهو بيقولي !
-- هو ده طريق المزرعة ال بيقولوا عليه ..
حسيت أنه خاف بس مكنش في ايديه حاجة ولكني قولت
-- ايوه ياياسر هو ..
فجأني برده وهو بيقول ..
-- تعرف ياوليد من وانا صغير كبرت علي قصص مرعبة بتحكي عن الطريق ده ، وكلها مرتبطة بشخص كان صاحب مزرعة واختفي .. ال يقول شياطين وفضائين وجن !! .. طيب ليه ميقولوش مرة أنه اتقتل ..
في الحقيقة كان معاه حق ..
-- تصدق يااسر صح .. ممكن يكون مات ! .. أو اتقتل بس انت عارف احنا بنحب الحكايات ..
مشينا وسط البيوت المهجورة علي جانبي الطريق ، بس مرة واحدة حسيت أن العربية بتمشي ببطيء مع اني بدوس بنزين ! .. سألني ياسر في هدوء
-- هو انت مفولتش بنزين ؟
- المؤشر قدامك اهو .. اكيد دي حاجة منسهاش ..
بس بعد دقايق العربية مشيت عادي بس ال حصل اغرب ، كشافات العربية فصلت تماما .. الطريق كان مظلم مش شايفين اي حاجة !! .. لدرجة ان ياسر شغل كشاف العربية عشان بس نشوف بعض !! .. بس انا كنت مقرر اني هتبع التعليمات ! .. انا مش هقف .. مش هقف مهما حصل !! .. ومرة واحدة الكشافات رجعت ، كان موازي لينا باب المزرعة الاول ..، وفي اللحظة دي العربية فصلت تماما .. مكنتش بدور ، حتي الكشافات مبقتش شغالة !! .. شغلنا كشافات الموبايل ، وقررنا ننزل نشوف فيها ايه .. انا كنت مقلق ، ال بيحصل ده طبيعي ؟ مش عارف ..
ياسر حاول يشوف فين العطل ملقاش فتكلم وقالي .
- تفتكر البطارية ؟
-- لا مش ممكن ، لاني مغيرها الاسبوع ال فات ! ..
كان صعب نستني !.. خصوصا أن مفيش عربية بتعدي الطريق ده .. حتي لو في عربية .. فهو مش هيقف هيخاف منك ، هيتبع اللافتة .. لو هتسالني انا ولو انا في موقفه علي الاقل هعمل كده .. اقترح عليا ياسر وقالي
-- البيت ال قدام المزرعة ده في ضوء وشكل في حد عايش خصوصا أن في عربية قديمة قدامه .. تعالى نسأله ايه الحل ؟ .
قربنا من البيت كنا بنعدي علي أشجار كثيفة ويابسة ودبلانة ، لما تسلط عليها كشافك تحسسك بمناظر المقابر .. كنت بحاول اخبي خوفي وانا بساله
-- تتوقع في حد جوا اصلا ؟
-- مفيش حل تاني ياوليد ، وأتوقع أن من الضوء ال جي من الشباك والعربية ال مركونة أن في حد ..
وصلنا لقدام البيت ، ولحظت ان العربية ال مركونة قديمة جدا وتقريبا أتوقف تصنيعها التراب مغطيها بشكل كثيف وكأنها متحركتش من المكان ده من مئات السنين ! ..
-- صدقني يااياسر العربية دي متحركتش من سنين !
ياسر هز رأسه وهو بيقولي
- ايوه وهنعمل ايه ؟؟ .. مفيش قدامنا غير أننا نخبط علي الباب ونشوف يمكن حد جوا !
فضلنا نخبط فوق الدقيقتين علي الباب الحديدى ومحدش بيرد ، لحد محولت ابص علي شباك من الشبابيك ال مفتوحه ، لمحت حاجة هزتني !! .. الشباك ال كان منور .. طفي فاجئة ! .. لا مش كده وبس لمحت راس انسان بطل علينا من الظلام .. ياسر اتفاجيء وانا بقول
-- اعوذ بالله من الشيطان الرجيم ... اعوذ بالله من الشيطان الرجيم !!
لقيته جالي بيجري ..
-- في ايه ؟
- النور .. النور مطفي ال كنا شايفينه !! ولمحت رأس بتبص عليا ؟ ..
-- انت متاكد !! ..
- اقسملك اني متاكد ..
-- طيب يبقي ممكن في حد فعلا هنا .. بص انا هخبط تاني وانت خليك واقف عندك ..!
كنت مستغرب كلامه ، انا كنت عايز اقوله يلا بينا !! .. بس هنروح علي فين ؟ .. رجع يخبط تاني ورجعلي وهو بيقولي
-- السور في البيت كبير ممكن يبقي في باب تاني ؟
قررنا نلف حولين البيت وفعلا لقينا باب تاني ولما قربنا منه لقيناه مقفول بقفل مصدى وعليه سلاسل حديدية حتي البلاط ال قدام الباب كان عليه غبار كتير ، وواضح أن محدش مر عليه من فتره كبيرة ..
-- القفل ده قديم اوي يااياسر ومش موجود .. يلا بينا من هنا !! يلا بينا عشان صدقني محدش جوا ..
-- طيب والعمل ياوليد ؟ هنفضل هنا ؟
قررنا نمشي تاني وعدينا علي مزرعة كان بتطلع منها ريحة قبيحة اوي بمجرد مشميتها اتقيئت .. بس واحنا راجعين شوفنا حاجة غريبة !! .. العربية القديمة ال كانت واقفة اختفيت تماما !! .. لقيت ياسر وقف وهو بيقولي ورافع حاجبه
-- العربية الكانت هنا فين !!
كنت بحاول اصبر نفسي وقولت مش منطقي !!
-- ممكن يكون حد جوا اخد العربية ومشي
لقيت ياسر انفعل وهو بيقولي
-- انت مجنون ياوليد ؟؟ يعني ازاي مشي بالعربية ده لو في حد من غير منسمع صوتها !!
سمعت صوت ضحكة لاطفال من الباب ، بصيت لياسر وشغلت كشافى الباب كان فتحته عليا فوطيت عشان اشوف وانا مشغل الكشاف .. وشوفت حاجة خليت موبايلي يقع من ايدي ، شوفت اقدام اطفال واقفين ورا باب البيت وكمان صناديق كتير ، ناديت ياسر وقولتله يبص ؟! .. ياسر استغرب وقالي
- طيب مبيفتحوش ليه ؟؟ ..
بس واحنا بنتكلم نور الشباك ال كان مطفي ولع تاني !! ..
-- ياسر يلا بينا بقولك .. في حاجة هنا مش مظبوطة !! .. تعالي نقعد في العربية ونستني اي حد إن شاء الله للصبح !! ..
ياسر اقتنع وكنا خلاص ماشين !! .. بس واحنا ماشين الباب اتفتح .. وحد اتكلم وهو بيقول ؟
-- ايوه مين ؟؟ عايزين مين ؟.
كانت الدنيا مظلمة تماما مش عارفين نشوف اي حد !! .. ياسر قرب من الباب وهو بيقول
- احنا بس عربيتنا عطلت !! .. ممكن تقولنا في أي ورشة هنا ؟
-- ايوه طبعا اقدر اقولك .. بس قرب انا مش شايفك ، النور هنا بس بيقطع كتير ..
ياسر كان هيقدم بس مسكته من أيده وانا بهز راسي بأنه ميروحش انا مش مرتاح !! ..سحب ايدي وبدأ يقرب وهو بيبقرلي أن ال بعمله عيب .. بس حقيقي انا مكنتش مرتاح .. وكان ظني فعلا في محله ، اول مقرب من الباب !! .. الباب اتقفل عليه .. سمعت صراخه وخبطه علي الباب !! .. شعرى وقف من الخضة !! مكنتش عارف اتصرف ، بس لحظت أن في حاجة بتخرج من الشباب متجهه ناحيتي !! .. فجريت .. جريت ناحية العربية ، سامع صوت حاجة بتعوي زي الذئب ورايا بالإضافة لصوت صراخ ياسر ال مش مفارق ودني .. نطيت في العربية .. ولقيت ال ورايا بدأ يختفي وسط الأشجار ال يابسة .. كانت عنيه مضيئة زي البدر ..
وبمجرد مدورت العربية لقيتها بتمشي !! .. كنت بلوم نفسي !! .. انا وهسيب ياسر !! .. كنت ببكي .. روحت وطلعت علي الشرطة !! .. جينا الساعة ٧ صباحا ..الشرطة وقفت قدام الباب ! والظابط بصلي وقالي
-- متاكد انه جوا ؟ ..
هزيت راسي بالايجاب بس اتكلم عسكري وهو بيقول
-- يافندم انا عارف قصة البيت ده .. !
بصله الظابط وهو مهتم وبيامره بالكلام ..
-- البيت ده كان لشخص قتل مراته وأطفاله من ٥٠ سنة بسبب التهيؤات ..
الظابط سأله
- تهيؤات ايه ؟
- كان ياباشا بيتوهم بأن البيوت دي كلها بالمزرعة كانت مقابر قديمة وان الناس عماهم الطمع وبنوا بيوت علي المقابر وبعدها بقي في متلازمة غريبة ، أن كل بيت في الحي ده لازم تجيله مصيبة ومرض .. والبيت ده صاحبه قتل عيلته كلها أما المزرعة فاصاحبها بأهله اختفوا من اكتر من ٤٠ سنة ! والمزرعة ال هناك دي بيقولوا فيها بير بتطلع منه ريحة عفن باليل ال بيشمها بيقعد ايام قليلة ويموت بس كلها أساطير ياباشا ، الحقيقة انا اسف انا مش مصدق أن في حد جوا .. ..
كان كلامه صدمة ليا !! .. انا شميت الريحة دي وانا معدي علي المزرعة دي انا وياسر انا اتقيئت لما شميت الريحة دي .. قرر الظابط أنه يكسروا الباب الحديدى !! .. ملقناش اي حد فعلا .. ووقع الاتهام في اختفاء ياسر عليا انا ، واني المشتبه في محدش مصدقني ، محدش مصدق حلفاني .. بس مش دي المشكلة الوحيدة المشكلة التانية هي اني بقالي تلت ايام في الحجز .. بس جلدي لونه اتحول للاصفر !! حاسس اني عايز اتقيء طول الوقت ! .. الشهية بتاعتي مفقودة تماما !! .. مش قادر اخد نفسي كويس !! .. انا حاسس اني هموت بسبب ريحة المزرعة !! ..

كلمات مفتاحية
قصص,قصص اطفال,قصص عربية,قصص عربيه,قصص قصص,قصص للاطفال,قصص عربي,قصص عربية للاطفال,قصص العربيه,قصص الاطفال,قصص العربية,قصص قبل النوم,قصص الاميرات,قصص اطفال قبل النوم,قصص للاطفال قبل النوم,قصص قبل النوم للاطفال,قصص رعب,قصص رنا,قصص الجن,قصص اطفال سندريلا,قصص كويلي,قصص مرعبه,قصص مرعبة,قصص مخيفه,قصص معبره,قصص مفيده,قصص مشهوره,رنا قصص رعب,قصص رعب رنا,قصص الارواح,قصص فيها عبره,قصص رعب حقيقية,قصص اطفال جديدة,قصص مرعبة حقيقية,قصص حقيقية مرعبة,قصص الجن و الارواح,قصص سحرية للأطفال,قصص مضحكة للأطفال

هل اعجبك الموضوع :

تعليقات

التنقل السريع