القائمة الرئيسية

الصفحات

وضحك ومسح علي شعري وكمل كلامه ! ... قصة جديدة



 ممنوع تفتح باب حمام المنزل بليل .. ممنوع كمان تسيب انوار المنزل مفتوحة اثناء النوم .. ممنوع تماما إحضار تمثيل وحاجات مجسمة في المنزل ! .. واخيرا ممنوع المرآيات ..

كنت شغال في منزل السيد هولموز المخيف ، المنزل الاكثر رعب في المدينة ، علي مدار ال سنوات دي شوفت ال ميصدقوش عقل او منطق ! كنت واثق اني هموت ف احد الايام في المنزل ده .. جيت البيت ده بعد مكنت بعمل عند السيد جريف ، وهو يبقي خال بيتر هولموز .. جيت ليه ؟ .. عشان عائلة السيد هولموز ماتوا كلهم بشكل مفاجيء ، الشرطة بتقول انها وجدتهم كلهم مقطوعين الرأس ومفيش دليل علي القتل .. الغريب انهم لقوه علي جدران البيت صورة دائرة بتخللها من جوا نجمة ، مرسومة بالدماء ، الشرطة ملقتش اي دليل علي مقتل العائلة وبعد سنة واحدة قفلت القضية ، بقي منزل هولموز مشهور بانه منزل الرعب في المدينة ،السيد جريف قالي اني هعمل عند السيد بيتر هولموز نظرا ان هولموز رفض انه يعيش مع خاله جريف ويسيب البيت ، اثناء اقامتي شوفت ال هحتاج سنين عشان احكي .. كان طبعة غريب وليه قواعد محددة محدش يقدر يتعداها ، دائما مايل للعزلة عمره مطلب مني شيء او زعلني ده انا ال كنت بحاول افتح معاه المواضيع وهو بيقفلها !
.
كان بيعاملني ان كان البيت بتاعي وهو ضيف ، كنت حاسس ان ممتلك البيت كله معاده ركنين ! ، هما غرفة السيد بيتر وقبو المنزل ! دايما كنت بسمع اصوات صادرة من غرفته .. من اغرب المواقف ال عشتها معاه هو انه ف يوم دخل عليا الغرفة وقالي باتريك
-- مش مسموح ليك تكلمني او تخبط علي غرفتي لمدة ٣ اسابيع ..
كان طلب غريب بس مهتمتش نظرا اني عارف انه بيحب الوحدة ، بس حقيقي كانوا اصعب ٣ اسابيع في حياتي .. مكنتش بنام الليل ، اصوات خارجة من غرفة السيد كانت كفيلة انها تصيبني بسكته قلبية ! كنت احيانا بصبر نفسي وبقول انه فاتح الكمبيوتر وبيتفرج علي افلام ، بس مقدرتش خصوصا ان الكهرباء قطعت في احد الايام ومازل الاصوات واضحة وده خلاني عايش في رعب تام ..
.
في احد الايام من التلت اسابيع كنت نايم في الصالة ، ولمحت السيد هولموز بيفتح باب الغرفة ، انتظر ثواني بيبص عليا كنت عامل نفسي اني في نوم عميق ! .. لمحت فتاه غريبة بتدخل غرفة السيد هولموز .. انوار المنزل كلها انطفت فاجئ ، وبعد ثواني بداء نور يظهر من غرفته .. اعتقد انه كان ضوء شموع .. كنت بسمع اصوات مرعبة وترانيم مزعجة بلهجات غريبة !! .. ادركت فعلا ان السيد هولموز مشعوذ .. حسيت انه هو ال قتل عائلته ..! بعد انقضاء ال تلت اسابيع ، كان شعره مالي وجهه ورائحته كريهة طلبت منه انه يدخل ياخد حمام ساخن واني مجهزه ليه ! رامقني بنظرة حادة وقال
-- لا .. وسابني ومشي .
كنت بفكر جادي ان امشي من البيت ، بس اكتشفت ان مفيش مكان هاوي ليه ، او حتي المرتب ال هاخده مش هيبقي زي ده ! .. والسيد هولموز عمره ماأذني برغم كل ال بشوفه بس هو كان شخص طيب ..!
.
اغرب شيء اطلب مني ؟؟
اه انا فاكره ، فاكره زي اسمي .. كانت ليله من ليالي ديسمبر ، خرج من غرفته وقالي
--تعالي معايا باتريك
وخرجنا وركبنا العربية ومش عارف اروح فين ! .. هو ال كان بيوجهني .. لقيته بيقولي
- اقف هنا !! .. كانت مقابر قولتله
- ليه ؟
كنت منتظر انه يقولي ان وحشته العائلة ولكن طلع فأس من السيارة وبقي قدامي ، بكيت !! بكيت وقولتله
--لا لا انا مش عايز اموت ، انا خادمك وعمري معملت حاجة تضايقك ..
ضحك ! اول مرة اشوف السيد هولموز بيضحك .. مسح علي شعري وقالي باتريك انا مش شخص شرير وانت شخص طيب .. فتح مقابر العائلة ونزلنا السلالم وانا مرعوب ليضربني بالفاس ولكنه وقال
-- احفر في مقابر العائله باتريك ..!
بلعت ريقي وانا بحفر في مقابر العائله بتاعته وواثق اني بحفر قبري .. خلصت حفر وانا ايدي بتترعش ، مبصليش تجاهلني تماما .. نام في القبر ال انا حفرته وهو بيقولي ..
--باتريك بكرة الساعة ١٠ صباحا تعالي افتح الباب الحديدي .. واطلع دلوقتي حالا ..
طلعت علي السلم وانا ببصله ومش فاهم حاجة ..! بس كنت ببكي ، معرفش ببكي ليه يمكن من رعبي .. ورعشتي ال ماسكه كل جسدي ! .. ومع قفلي لباب المقبرة سمعت صرخات السيد هولموز واصوات غريبة والترانيم المخيفة ال سمعتها قبل كده ! جريت .. وانا خايف ادخل البيت بتاعه استنيت في مقهي في احدي البنزينات القريبة من المقابر .. ومع الساعة ١٠ فتحت المقبرة ! ناديت عليه ! .. ضحك وقالي
-- شخص مكانك باتريك مكنش هيجي تاني ..
ومتكلمش ولا كلمة وركب العربية بهدومه البالية ، ورجعنا البيت ! ..
.
من اربع سنوات السيد هولموز كان في غرفته كالعادة بس كان بيشخط ويزعق ! ومرة واحدة خرج ! كنت شايف خيالات وراه ضميت ايدي علي رجلي وانا خايف !! جري عليا وحضني وقالي --متخفش .. متخفش باتريك انا عارف ان سنك ١٨ عام وشوفت حاجات صعبة اوعدك انك مش هتشوف اي حاجة تانيه ترعبك ..
وضحك ومسح علي شعري وكمل كلامه !
--باتريك حضرتلي الحمام الساخن ؟
ضحكت لانه عمره مطلب ده ولكني هزيت دماغي وانا بقوله ايوه اداني نوته صغيرة وقالي
--اخرج من هنا .. وابقي اقرا النوته دي.! وشكرا لكل حاجة .
بمجرد دخوله الحمام كانت صراخته بتذيد مقدرتش استحمل خرجت ، الشرطة جت بس لقيت ان السيد هولموز مفصول الراس في الحمام وعلامة الدايرة ال جواها نجمة في الحمام .. ! لما استجوبني قولت كل الكلام ده ..بس مقولتش علي ال في النوته ! ال في النوته هيا قصة حياته .. هولموز كان فتي في كلية اداب بيهوي القراءة وقع في ايده كتاب بيقول في النوته انه كتاب مش من صنع البشر مجرد مخلص قراءة لقي عائلته ماتت ! بقي يشوف كائن غريب عايز يستولي علي جسده ! ولو معملش ال هيطلبه منهم هيقتلوه زي عائلته ، طلبه طلبات غريبة منهم انه ينعزل عن الناس ، ميستحمش طول حياته ، يقضي ليله في المقابر .. كل ده كان بيعمله عشان يحافظ علي حياته ! ولما زهق قال انه مش هيعمل اي حاجة من دي تاني ، استنجت انه لما خالف شرط من الشروط مات ! .. وكتب في اخر النوته جملة " باتريك انا عارف ان كل اهل المدينة بتخاف مني ، كل اهل المدينة فاكرة ان انا قتلت عائلتي .. بس انت شوفت كل حاجة ! مش عارف الناس هتقول ايه بعد مموت ! لان واثق اني هموت .. بس المهم انك تعرفهم الحقيقة ! انا كنت عايز اعيش وبس ! .. باتريك لو ليك عمر هطلب منك طلب صعب ! ابقي احرق الكتاب هتلاقي في القبو ، ومن النهاردة البيت باسمك وكل املاكي هتلاقي قسمية كاتبها في القبو جمب الكتاب الغامض ..! البيت دلوقتي مهجور بقالوا اربع سنين ! كل يوم بعدي عليه اشوف غرفة السيد هولموز بضيء وتطفي ! النهاردة بس ! انا داخل عشان استرد البيت واحرق الكتاب واعيش في ملكي ال اهداه ليا خصوصا انى مديون بملبغ كبير .. وفي قسيمة في البيت إن املاك السيد بيتر هولموز تبقي بتاعي .. اكيد مفيش اي حاجة اقولها دلوقتي بس اوعدكوا لو خرجت هقولكوا كل حاجة !..
هل اعجبك الموضوع :

تعليقات

التنقل السريع